Hymnyn er baase

HYMN [32]. C. M. [BCD: 15]

Teach me the measure of my days. Isaac Watts

• Ynsee dou towse my laghyn giare,
• Uss my Er-croo graysoil;
• Baillym goaill tastey jeu ny share,
• Cha siyragh as t’ad goll.

• She lhiurid reaish ta er nyn son, BC: reish
• Cha giare shen ta nyn draa;
• Ta dooinney eisht fardail as joan, D: doinney
• Ayns ’aalid as e vlaa. BC: y vlaa

• Jeeagh er sheelnaue, son red neu-feeu,
• ’Sy choan shoh wass rouail;
• Tooilleil as boirey, geam as streeu,
• As t’ooilley’n sheean fardail.

• Paart geearree ooashley seihltagh, ta
• Paart elley berchys reih,
• Cour eiraghyn gyn fys quoi da,
• Ad hene dy leah goit veih.

• Cre er neem’s soiagh eisht m’imnea, D: Cree   B: my imnea
• Yn seihll, ny cooney sleih?
• Yn jerkal ain t’ad giarey jeh,
• As molley shin dy treih.

• ’Sy theihll cha jeanin cur my hreisht, BC: jeanyn
• Ny soiagh’ er my chree;
• Agh cur my yerkal seihltagh seose,
• As credjal ayns my Yee.

HYMN [33]. C. M. [BCD: 16]

Why do we mourn departing friends? Isaac Watts

• Kys veagh shin keayney choud dy hraa,
• Ec baase persoonyn mie?
• Nagh nee nyn Jiarn t’ayn coyrt coraa,
• Dy eam ad huggey thie?

• Nagh vel shin huggey neesht scapail,
• Cha chion as traa ta roie?
• Chamoo t’ain yeearree dy chumrail
• Ny sodjey voish nyn ghraih. BCD: nyn n’ghraih

• Kys ghoghe shin aggle dy chur sheese C: cur
• Nyn girp ’syn oaie gys fea? B: oaye
• Raad lhie corp ooasle Yeesey Creest, B: oasle
• ’S t’er yannoo manyrey jeh. C: te’r

• Ta bannaght Yee er deiney mie,
• Nyn gadley ayns y joan:
• Cre beagh ny oltyn booiagh lhie D: bwooiagh
• Ayns baase, agh raad va’n kione?

• Agh ta nyn Jiarn er n’irree-reesht,
• Ginsh dooin yn raad gys gloyr,
• Nee’n eill ain getlagh seose gys Creest
• Ec laa yn irree-vooar.

HYMN [34]. C. M. [BCD: 17]

When rising from the bed of death. Joseph Addison

• Tra irreem’s veih yn lhiabbee-vaaish,
• Laadit lesh atchim mooar,
• Sumnit kionfenish my Er-croo,
• O kys nee’m eisht gansoor?

• Nish choud’s ta myghin as pardoon,
• Daue t’er e hon chyndaa! BCD: y hon
• Dy vel my annym eer er-creau,
• Ec smooinaght er y traa!

• Tra ne’oo, O Hiarn, gyn coodagh cheet,
• Ayns ooashley ard as pooar,
• Er m’annym’s soie ayns briwnys geyre, BCD: gyere
• O kys neem’s eisht gansoor?

• O lhig dou, lesh cree imlee brisht,
• Keayney my pheccah traa,
• Moghey ’ve arryssagh ayns jeir
• Scapail yn treihys vrâ. BC: vra

• Roish te ro-anmagh, cur-my-ner
• My hrimshey laa as oie;
• As eaisht rish accan baaish my Hiarn,
• Dy chur da’n trimmid cooie.

• Cha beem’s ayns dooyt, dy gheddyn nish
• Pardoon, son loght my vea,
• Fys t’aym dy hur dty Vac hene baase,
• Dy yannoo shickyr jeh.