This is a Clilstore unit. You can link all words to dictionaries.

Pargeiys Caillit

Parg[ei]ys Caillit

linney	1796	Wheeler and Teare 2020
		[III]
		[MYCHIONE NIURIN]
	Nish uss chooin lhiam dy ghoayll leeid y journay	Nish Uss, chooin lhiam dy ghoaill lheid y jurnah¹
1765	Trooid ream y vanrys villish, farraght braa,	trooid rheam y vaynrys villish, farraght bra,
	As leeid mee neose reesht, liastey dy hindaa,	as leeid mee neose reesht, liastey dy hyndaa,
	Trooid dt’obbyr indyssagh, jeant ayns shea-laa.	trooid dt’ obbyr yindyssagh, jeant ayns shey laa;
	O cooin lhiam nish dy voddym coontey choyrt	O cooin lhiam nish, dy voddym coontey ’choyrt
	Jeh indyssyn mooar ren er ny shea laa geiyrt.	jeh yindyssyn mooar ren er ny shey laa geiyrt.
1770	Gyss nish londeir v’aym dy leedeil my chass	Gys nish londeyr v’aym dy leeideil my chass
	Ayns traiylt yn ream ta heose, yn ream ta wass	ayns troailt yn rheam ta heose, yn rheam ta wass.
	Insh dou cyss loayrym nish jeh’n Ream ta heese,	Insh dou kys loayrym nish jeh’n rheam ta heese,
	Foe pooar y drough sp’ryd as dagh mee chrau-ees:	fo pooar y Drogh Sp’ryd as dagh mee-chraueeys.
	Ass y dowin wooar tra che ny seihll er goayll[,]	Ass y dowin wooar tra chie ny seihill er goaill,
	Cha nee morraan jeh’n rooym v’ayn, ren eh choayll	cha nee mooarane jeh’n rooym v’ayn ren eh ’choayl.
	Dy ballish Jee foast millaghyn dy heihll	Dy baillish Jee foast millaghyn dy heihill
	Y chroo, cha jinnagh rooym ayn, daue faajeill	y chroo, cha jinnagh rooym ayn daue fajeil.
	Son mooar skyn nyn dthushtey [sic], ta’n folmid feoyn,	Son mooar ’skyn nyn dushtey ta’n folmid feayn,
	Myr fegooish toshiagh te, as fegooish kioan,	myr fegooish toshiaght te, as fegooish kione.
1780	Ny seihll mooar ch’er goayll ass, gah t’ad whoilleen,	Ny seihill mooar chie ’r goaill ass, ga t’ad whoilleen,
	Sollit gys shoh, cha vel agh myr brenneein	soylit gys shoh, cha vel agh myr brinneen
	She aggle loayrt jeh, attchym smooinaght er	She aggle loayrt jeh, atchim smooinaght er.
	Oyr t’ain v’er creaue, eh ghooghys chur-my-ner;	Oyr t’ain v’er-creau, e ghooghys ’chur-my-ner.
	Ta’n dowin gyn grunt, ard t’eh neesht gyn baar	Ta’n dowin gyn grunt, ard te neesht gyn baare;
1785	Lhiour fegooish kioan, as fegooish meayn as oirr.	liauyr fegooish kione, as fegooish mean as oirr.
	Dowin gyn grunt! O caid te roshtyn sheese?	Dowin gyn grunt! O caid te roshtyn sheese?
	Ard fegooish eaghtyr! caid te sheeney seose?	Ard fegooish eaghtyr! caid te sheeyney seose?
	Lhiour, as gyn kioan! O caid shear as sharr?	Liauyr as gyn kione! O caid [ta] Sheear ass Shar?
	Lhiean fegooish cagliagh! c[’]raad yow magh yn oirr?	Lhean fegooish cagliagh! c’raad yiow mayd yn oirr?
1790	Cha vod yn insagh sollagh gheddyn daa	Cha vod yn Ynsagh soylagh ’gheddyn da
	Agh y vea veayn shen t’er ny enmys braa.	agh y vea veayn shen t’er ny enmys Bra.
	Dor’ghys ta reill ayn, son cha vod yn ghrian	Dorghys ta reill ayn, son cha vod yn Ghrian,
	Eayst ny roltaig, ayn roshtyn lesh soilshean.	Eayst, ny roltageyn roshtyn lesh soilshean.
	Maskey dagh gioot dy sthon [sic: sthou] Jee er ny seihll.	Maskey dagh gioot dy stow Jee er ny seihill
1795	She’n soiljey smoo ta freall ad veih meehreisteile,	she’n soiljey smoo ta freayll ad veih misreill.
	Eisht ream wooar y dowin, feme y bannaght shen	Eisht rheam wooar y dowin, feme y bannaght shen,
	sheign ve feer aglagh, quaagh, groue as nieu glen.	shegin ve feer agglagh, quaagh, grou, as neu-ghlen.
	Choud as ta’n soiljey roshtyn trooid y dowin	Choud as ta’n soiljey roshtyn trooid y dowin,
	Choud shen smoo maanrys t’ec ny bioee t’ayn,	choud shen smoo maynrys t’ec ny bioee t’ayn.
1800	Shen gaase gyn bree, as fealleise heen feaggeil	Shen gaase gyn bree, as falleays hene fajeil,
	Ta pooar y dor’ghys ayns y fooilagh reill.	ta pooar y dorghys ayns y fooillagh reill.
	Cre ta ayn marrish! ny rou fyss ain choiee	Cre ta ayn mârish? Nar row fys ain choiee
	Agh wheeish as t’ain veih scriptyre casherick Yee	agh wheesh as t’ain veih scriptyr cash’rick Yee!
	Ta’n gooh ginsh dooin jeh’n dor’ghys soddey magh,	Ta’n Goo ginsh dooin jeh’n dorghys sodjey magh,
1805	Jeh ooig gyn grunt, as phian gyn aash dy bragh	jeh ooig gyn grunt, as pian gyn aash dy bragh,
	Jeh ainle gyn vooghey, Beshteag kinjagh bio,	jeh aile gyn vooghey, beishteig kinjagh bio,
	Jeh ster’m, dorrin as brimstone lhiet heese foe.	jeh ster’m, dorrin as brimstone lheit heese fo.
	Quoi smooinys nagh nee shoh’n ream kiarit va	Quoi smooinys nagh nee shoh’n rheam kiarit va
	Cowir ny drogh yeantee jeanoo pannas bra,	cowir ny drogh-yantee jannoo pannys bra?
1810	Jeh’n irree-magh coiey shen va oie mac Yee	Jeh’n irree-magh keoi shen va oï mac Yee,
	Hug oyr cah’ dowill ve fud ny flaunyssee	hug oyr cah dowil ve fud ny flaunyssee,
	Ren shiu leih roie; as cys ve cashtit neesht	ren shiu lhaih roïe, as kys ve cashtit neesht.
	Tra honnick satan, eh phooar ooilley brisht.	Tra honnick Satan e phooar ooilley brisht,
	Eh heens’s [sic: heen ’s e] heshaght eebyrit ass niau,	eh hene ’s e heshaght eebyrit ass Niau,
1815	Sheese gys y diunid wooar [va] kiaddit daue	sheese gys y diunid wooar [va] kiaddit daue,
	Nyn dappey vou! fooar ad ad heen ayns ainle	nyn dappey voue! fooar ad ad hene ayns aile
	Va lostey dowill, agh gyn caue soiljey cainle	va lostey dowil, agh gyn ceau soiljey cainle.
	Son ainle dy vrimstone, ga t’eh lostey dowill,	Son aile dy vrimstone, ga t’eh lostey dowil,
	Cha vel fordraile mooar soiljey da ny jouill:	cha vel fordrail mooar soiljey da ny jouyil,
1820	Agh myr fealleise beg, dy chur dausyn fyss	agh myr falleays beg, dy chur dauesyn fys
	Cre’n stayd treih, bought as piantagh t’ad ayn nish	cre’n stayd treih, boght, as piantagh t’ad ayn nish,
	Shaghey v’ad roie; ayns shee as eunys braa	shaghey v’ad roïe; ayns shee as eunys bra,
	Muish stoayll ny gloyr, kiaulliaght alleluja.	mysh stoyl ny gloyr, kiaulleeaght Alleluja.
	Muish jerrey fouyr my hug shiu tastey da	Mysh jerrey fouyr, my hug shiu tastey da,
1825	Bildjin ny caellagh stripyt jeh nyn mlaa	biljyn ny keyllagh stripit jeh nyn mlaa,
	Yn foayn ta heese fou, as mageyrt y moou	yn foyn ta heese foue as mygeayrt-y-moo
	Scart lesh y dooilley chreen ta sheebyt vou	scart lesh y duilley chreen ta sheebit voue,
	Ny myr y coau faas fasnyt veih’n laar-vooie	ny myr y coau faase fasnit veih’n laare-vooie
	Getlagh er sooyll, yn grine fagit ny yeih;	getlagh ersooyl, yn grine faagit ny yeï;
1830	Myr shen va ainlyn scart er baare y tooilley	myr shen va ainlyn scart er baare y tooilley
	Dy vrimstone lheit, ad heen ’s nyn armyn ooilley,	dy vrimstone lheit, ad hene ’s nyn armyn ooilley,
	Satan nyn vud oc, troggal seose eh khioan,	Satan nyn vud oc, troggal seose e chione,
	Myr leviathan, moostey baar y toon [sic: tonn];	myr Leviathan, moostey baare y toan.
	Hug eh my-ner, ny leih er gerrey daa	Hug eh my-ner, ny lhie er-gerrey da
1835	Beelzebub mooar, yn prince by niassey va	Beelzebub mooar, yn prince by-niassey va
	Da heen ayns reill, foe’n ooilley niartal ree,	da hene ayns reill, fo’n Ooilley-niartal ree,
	Skyn millaghyn thousaane dy flaunyssee;	’skyn millaghyn thousane dy flaunyssee.
	Lesh cree moralagh, as lesh aigney laane	Lesh cree mooaralagh, as lesh aigney lane
	Dy olckys dowill, as noidys noie eh chiarn:	dy olkys dowil as noidys noi e hiarn,
1840	Rish yn ard ainle shoh, vrish eh [e] choraa	rish yn ard-ainle shoh vrish eh e choraa,
	As brinnagh foalsey myr shoh ren eh graa,	as brynnagh foalsey myr shoh ren eh gra:
		[SATAN]
	Nee shoh’n zeraph v’ayns gloyr as pooar soilshean!	‘Nee shoh’n zeraph v’ayns gloyr as pooar soilshean,
	Ayns allid neesht skyn millaghyn thousaan!	ayns aallid neesht ’skyn millaghyn thousane?
	O cre’n caghlaa, cre’n lhiaggey t’eh er gheddin!	O cre’n caghlaa, cre’n lhiaggey t’eh er gheddyn!
1845	Eh choayll, eh phian ry akin ayns eh eddin!	E choayl, e phian ry akin ayns e eddin!
	Ceayrt va dty chree, dty phooar, as dty hreshteile	Keayrt va dty chree, dty phooar, as dty hreishteil
	Dooie join-yt hums, dy chosney dou’n chlatt-reill	dooie joinit hums, dy chosney dou’n chlat-reill.
	Nish joinyt ta shin ayns yn un phroosoon	Nish joinit ta shin ayns yn un phrussoon
	As dungeon dooh, gyn jercal rish pardoon;	as dungeon doo, gyn jerkal rish pardoon.
1850	Foast, te ny share dooin niurin ghoayll myr reih	Foast, te ny share dooin Niurin ’ghoaill myr reih
	Ny sleaghtagh sheese dy chaney mighyn veih	na sleaghtagh sheese dy chaayney myghin veih,
	Dy ghliooney huggey as dy herrey [sic: hirrey] shee	dy ghliooney huggey as dy hirrey shee.
	Te onner scorn lhiams yeaghyn dasyn choiee	Te onnor scoyrn lhiams ’yeeaghyn dasyn choiee.
	Veagh shen dhou angaish scammylt’s brishey cree	Veagh shen dou angaish, scammylt, ’s brishey cree,
1855	Smoo ny’n charbaa t’aym veih ny flaunyssee;	smoo na’n charbaa t’aym veih ny flaunyssee.
	Fakin nagh vod yn dooghys ain faigeill	Fakin nagh vod yn dooghys ain fajeil
	Gyn choiee ve bio, lig dooin gyn meehreishteil	gyn choiee ve bio, lhig dooin gyn meehreishteil,
	(Lesh kieall ny crout, lesh niart, miool ny tronlaase)	lesh keeayll ny crout, lesh niart, miol, ny tranlaase,
	Nagh voyms cooilleen ver da my ghoanlys aaish;	nagh voyms cooilleen ver da my ghoanlys aash.
1860	Er y chooid smassey ta rouyr fyss ain nish	Er y chooid smassey ta rouyr fys ain nish,
	As surranse sheign, cha vod mayd jeanoo rish,	as surranse shegin, cha vod mayd jannoo rish.
	As ga ta shin foe pooar y noid ayns shoh,	As ga ta shin fo pooar y noid ayns shoh,
	Ayns noidys vees mayd daa choud as t’eh bio.	ayns noidys vees mayd da choud as t’eh bio.’

Coorse Lhaih 2021–22 Christopher Lewin / Culture Vannin