Clilstore Facebook WA Linkedin Email
Login

This is a Clilstore unit. You can link all words to dictionaries.

ソールモールオスタイク

1973 (にん)、 スカイ (とぅ) ぬ スレート 半島(はんとぅ) んでぃいーる とぅくる んかい ソールモールオスタイク んでぃいーる スコットランド ぬ ゲーリック 大学(でーがく)()っちゃびたん。 (はじ)み や (んかし) から あたる

(ふる)さる (やー) やいびーたしが、 っんま んかい (みー)さる 校舎(こーしゃ)(ちゅく)らってぃ、 あんしから、

(うみ)(めー) なちょーる (ちゅ)ら とぅくま んかい、 アーラインハランヒリエ んでぃいーる

キャンパス ん (ちゅく)らりやびたん。 年数(にんすー)()ち しんでー 大学(でーがこー) (さけー)てぃちゃーびたん。

 

(みー)さる 施設(しせつ) んかい や 学生(がくしー)住家(しみか) ぬ あてぃ、 教室(きょうしつ) とぅか 肝要(かんぬー)な むん ぬ あり や くり

(ちゅく)らっとーいびーん。 いっぺー (みー)さる むのー ファース んでぃいーる 施設(しせつ) やいびーしが、

ファース んでぃいしぇー ゲール くとぅば っし、 っうぃーたち んでぃいーる ちむえー やいびーん。

っんまんかい や かーがーうぅどぅい (ちゅく)たいないる まぎさる じゃーがめー ん

すなわっとーいびーん。

 

うぬ 大学(でーがく) うぅてぃ いちみとぅとぅーま かかわゆる 学問(がくむん) する とぅくま ん ()かっとーいびーん。

っんまんかい や、 あがとー から くがた までぃ うちゃーち、 ()ちゃい (んー)ちゃい 勉強(びんちょー)ないる

オンライン ぬ 計画(はかれー) ぬ あいびーん。 また、 (なち)(っうぇーだ) びけーん 学問(がくむん) する 計画(はかれー) (さざ)きーる とぅくる んかい なとーいびーん。

 

パースシャー (っん)まり ぬ ミーヒョー スピァーズ や オンライン ぬ 計画(はかれー)さー やいびーん。 ミーヒョー

や アンクルーサイーントゥリキー んでぃいーる ゲール くとぅば 勉強(びんちょー) そーる (っちゅぬ) (ちゃー) (んー)じゅる 仕事(しくち) そーいびーん。 くぬ 計画(はかれー) うぅてぃ や あまくま ぬ (くに) から ゲール くとぅば

(なら)いんでぃする (っちゅぬ) (ちゃー)勉強(びんちょー) そーいびーしが、 いっぺー はまいねー 大学(でーがく) んかい ()らりーる あたい までぃ (ちぶる) (ちゅく)らりーん でぃいーる くとぅ やいびーん。

 

ポーランド (っん)まり ぬ アレックス グルーバ や ゲール くとぅば とぅ 文化(ぶんか) 勉強(びんちょー) する (たみ)計画(はかれー)

(んー)じゅる 仕事(しくち) そーいびーしが、 うぬ 計画(はかれー)(なち) びけー とぅか あんすか (なが)さる (っうぇーだ) あらん、 (いんちゃ)さる (っうぇーだ) ぬ くとぅ どぅ やいびーる。 ミーヒョー ん アレックス ん (なま)仕事(しくち) する (めー) や っんま ぬ 学生(がくしー) やいびーたん。

 

教育棟(ちょういくとぅ)大学(でーがく) ぬ なーか ぬ 学生(がくしー) (たー) が ゆー (あち)まいる とぅくま やいびーん。

くまー 学生(がくしー) とぅか 大学(でーがく)仕事(しぐとぅ)さーたー が、 あさばん ()むる とぅくま やいびーしが、 (なま) までぃ ねーらんたる みーさる (かんげー) とうか ありくり ()ちゃいはんちゃい ゆんたくさびーん。

 

(いぃ)ぬ とぅくま んかい 名通(なーとぅー)とーる 図書館(としょか) ぬ ん あてぃ、 いっぺー うほーく ぬ 書物(しゅむち)

あいびーしが、 うぬ (なーか) んかい や (ふる)さぬ、 いっぺー あたらさる 書物(しゅむち) ん あいびーん。

くまー 大学(でーがく)仕事(しぐとぅ)さーたー とぅか 学生(がくしー) (たー)()てぃちちょーてぃ 念入(にんい)っち 勉強(びんちょー) ないびーん。

集会(すりー) とぅか 色々(いるいる)な くとぅ んかい 使(ちかー)りーる 部屋(じゃー) ん あいびーん。

 

学生(がくしー) (たー) とぅか、 大学(でーがく)仕事(しぐとぅ)さーたー、 近隣(ちゅけーとぅない)(っちゅぬ) (ちゃー) とぅか (たー)やてぃん 買物(こーいむん)ないる

町屋(まちや) ん あいびーん。 書物(しゅむち) (はじ)み、 (うた)ないむん んでー ぬ 音楽(うんがく)(しみ) (ふでぃ) (かび) そーなむん、 あんしから 衣類(ちんちるかー)()らっとーいびーん。

 

(ゆう)さんでぃ 学校(がっこう) ()わいねー、 学生(がくしー) (たー)宿屋(やどぅや) ぬ なーめーめー ぬ 部屋(じゃー) んかい

(けー)いん。 どぅーくる 食事(かみむん) しこーいぶされー 台所(しむ) ん すなわっとーいびーん。 うぬ

台所(しむ) から ぬ (ながみ) や うすまさ ちびらーさいびーん。

 

大学(でーがく)学生(がくしー) が しーぶさる くとぅ てぃがねー する (たみ) なかい あいびーん。 学生(がくしー) (たー)

 

うんぐとぅーっし、 はてぃるか いぃーあんべー ぬ とぅくま うぅてぃ、 うっさうっさし めーにち ぬ

学校(がっこう) (はじ)みやびーん。

Clilstore Sabhal Mòr OstaigIsland Voices沖縄キリスト教学院大学

Short url:   https://clilstore.eu/cs/9722