Clilstore Facebook WA Linkedin Email
Login

This is a Clilstore unit. You can link all words to dictionaries.

CANZON : TRENTA PIÒ - CANZON DEL DELLINO FARMER & PIERGIORGIO CINELLI

 

30 Piò (Dellino Farmer & Piergiorgio Cinelli)
 
Tœts i dé, anc’pò incœ, g’è sparid 30 piò,
nissun qe se n’incorj, ma 30 piò incœ i g’è plu.
 
G’è tœt pien de cement, g’è plu case qe cioss.
Sé, ma insé va miga ben, se pœl miga sœgutar
a far su capanon, tanjenziai, casermon,
autostrade, rotonde, villete e stradon,
marciapè e nissun va plu a pé ma cond el SUV,
per rivar apena a’l bar, a la posta a sgobar.
Qé le strade le me par una pista go-kart,
e la sera sont lofe, incazad e anc’pò strac.
E la jent in Italia l’è usa a far insé,
mentre in jir, in Europa, i va in bici o a pè
e i terren i sparess perqè g’è de far su
30 piò tœts i dé de cement per neent.
 
Tœts i dé, anc’pò incœ, g’è sparid 30 piò,
nissun qe se n’incorj, ma 30 piò incœ i g’è plu.
 
E la jent una volta la stava in paes
e i gnarei de incœ i è jà bell’anc depress
perqè i pipa el smog, perqè i maia precot,
perqè qé comè lé cond l’asfalt som a bot.
30 piò tœts i dé i va a far-s incular.
De qé a un brix i me fa la rotonda in jardin !
Mé sont jun qe al la ved, ge fa cas e ge ten,
certa jent per star ben pensa apena a’l mar.
Ma anca lé, varda ben, g’è jà tœt cementat,
cond i alberg de luss, le strade e i bar,
cond ‘ste trafeg de figa g’è de deventar mat,
certe volte a savir-l stave jà in citaa.
 
Tœts i dé, anc’pò incœ, g’è sparid 30 piò,
nissun qe se n’incorj, ma 30 piò incœ i g’è plu.
 
E se sgasa, se tira, se molla, se bruxa
20 liter de benza ind una mez’ ora.
La bena cunsuma tipo petroliera,
la sera in ballera cond la bogia piena.
E i supermercads i bat vià un sac de robe
e pò i romp le balle se g’è jun qe al roba.
E i gnari i se droga, le gnare le se truca
in su la tanjenzial, quindi sota qi toca !
Una bisca, una bota, la crapa l’è rota,
nissun plu raxona, la jent l’è sqiçada
ind su la poltrona, serrada in casa
e intant fœra i jeta colade de giera,
de gabie, armadure, racords e cinture.
E intant la campagna l’è piena de plinti,
g’è l’aqua dei cioss qe la me fa cagar,
e le sorge qe scapa e le te piomba in cà.
G’hoo capid qe i maguts i g’ha de lavorar
ma la terra l’è la prima qe dà de maiar.
E mè nono l’è mort, ma al l’ha vesta cambiar,
e qe per defendir-la l’è indait vià soldad !
 
Tœts i dé, anc’pò incœ, g’è sparid 30 piò,
nissun qe se n’incorj, ma 30 piò incœ i g’è plu.
Tœts i dé, anc’pò incœ, g’è sparid 30 piò,
nissun qe se n’incorj, ma 30 piò incœ i g’è plu.

 

CANZON RAP 

TEST E MUSEGA : DELLINO FARMER & PIERGIORGIO CINELLI 

TRASCRIZION : LUCA ZANINELL de FAR LOMBARD ASSOCIAZION PER LA LENGUA LOMBARDA

 

Clilstore

Short url:   https://clilstore.eu/cs/8731