Mionmharatón na mBan sa Daingean

Cainteoirí: Helen Ní Shé (RnaG); Seán Ó Suilleabháin (Mionmharatón na mBan)

Helen:  Agus tá Seán Ó Suilleabháin, príomheagraí Mhionmharatón na mBan anso i gCorca Dhuibhne tagtha chugam isteach mar thá tarrac, crannchur le déanamh againn anso ar an gclár inniubh mar bíonn crannchur speisialta i dtaca seo bhliain aige Seán maidir le daoine a bhíonn cláraithe go luath chun páirt a ghlacadh i Mionmharatón na mBan agus fáilte is fiche romhat, a Sheáin, inniubh.

Seán:  Go raibh maith agat, a Helen

Helen:  Anois, níl, tháim ag faire an chloig agus dá réir sin, an mionmharatóin i mbliana cathain athá sé ar siúl sa Daingean?

Seán:  Seachtú lá déag de mí, mí Bealtaine

Helen:  Mí Bealtaine

Seán:  Satharn

Helen:  Mná...ar fad

Seán:  Mná agus fear dá mbeidís gléasta

Helen:  i gceart?

Seán:  i gceart...go díreach

Helen:  Dá mbeidís fé cheilt, ab ea?

Seán:  Go díreach é

Helen:  Tá cead acu san a bheith ag rith chomh maith. Ambaist, má dhíolann siad an t-airgead, is dócha, féadfaidh siad a bheith ag rith leo.

Seán:  Go díreach é.

Helen:  Mionmharatón athá i gceist más ea. Cén cúrsa a thógann sibh anso?

Seán:  Tosóimid sa Daingean, siar an bóthar fada, suas Baile Íochtarach agus isteach ansan Cnoc na hAbha, isteach an Daingean arís.

Helen:  Isteach an Daingean arís

Seán:  Go díreach

Helen:  Ana-dheas, sin cúrsa ana-dheas, níl aon droch-chnoic ná airde ann

Seán:  Níl níl níl, go díreach, deich, agus deich...deich K

Helen:  Anuraidh an chéad bhabhta agat a leithéid a dhéanamh agus, an mó duine a rith anuraidh é?

Seán:  Bhí os cionn sé chéad anuraidh againn agus...

Helen:  Is mór an chuid é

Seán:  Bhailíomar aon míle déag agus so roinneadh é sin idir an Pobalscoil agus National Breast Cancer, so i mbliana tháimid, tá an Pobalscoil againn, againn arís mar thá an, ní, níl an páirc críochnaithe is an raon reatha agus thá an...thá carthanacht breise againn i mbliana thá an an an National Breast Cancer ann aríst ach thá carthanacht nua againn an an Saoirse Foundation an Liam’s Lodge Project a ghlaonn siad air. Is é seo áis athá...thá...thá siad ag tógaint i gCathair Uí Mhóráin i gcomhair leanaí le breoiteacht fadtéarmach

Helen:  Faoiseamh a thabhairt dos na tuismitheoirí agus mar sin dó

Seán:  na tuismitheoirí is is is a clann agus...

Helen:  Ana, ana-riachtanach, ana-, agus áitiúil chomh maith

Seán:  Bhí, abair bhí tragóid ag an clann a thosnaigh é seo bhíodar, n’fheadar, bhíodar ar an Late Late Show ansan cúig bliain ó shin agus B is for Batten b’fhéidir go gcuimhneodh...

Helen:  ...a bunaíodh, sea sea go deimhin, sea go deimhin agus is fiú an t-airgead a a chur ina threo san ach go háirithe. Anois an crannchur a theastaíonn uaitse a dhéanamh anso ar an gclár inniubh, seo na daoine athá cláraithe cheana fhéin chun páirt a ghlacadh sa mhionmharatón.

Seán:  Go díreach, go díreach é.

Helen:  Cén duais athá agat, agus cad is fiú é?

Seán:  Yeah, tháimid ana-bhuíoch den Skeillig sa Daingean

Helen:  Óstán na Sceilg

Seán:  Óstán na Skeillig yeah, óstán ceithre réalt agus thá dhá oíche, oíche roimh ré agus oíche an mharathon i gcomhair beirt, leaba is bricfeasta san óstán san.

Helen:  Saor in aisce

Seán:  Agus tháimid ana-bhuíoch leis...le Louis Mulcahy, thá siad súd ag cur na duaiseanna ar fáil i gcomhair lá an marathon

Helen:  Don lá...an mharatóin fhéinig. Más ea, cad, cén uimhir atháim ag glaoch amach, óna haon go dtí an cad é?

Seán:  So, caithfidh tú glaoch uimhir idir a haon agus a seasca naoi

Helen:  Thánn tusa go maith ar na huimhreacha, a Sheáin. Más ea, déarfaimid m’aois fhéinig is dócha, déarfaimid, fiche naoi

Seán:  Fiche naoi, fiche naoi. Thá sé ag imeacht go dtí Trá Lí. Sarah Bergin, 9 Front Field, Oak View Village Trá Lí

Helen:  Ana-dheas. Comhghairdeachas le Sarah Bergin agus tá dhá oíche leaba is bricfeast saor in aisce fachta aici fhéin is a páirtí, nach ea? In Óstán na Sceilg, sa Daingean, oíche roimh an mharatón agus an oíche ina dhiaidh

Seán:  Go díreach é

Helen:  Ana-dheas. Go raibh míle maith agatsa, a Sheáin, agus le cúnamh Dé go mbeimid ag caint air seo arís de réir mar a druidimid níos cóngaraí beidh a thuilleadh duaiseanna le tabhairt amach do dhaoine ná beidh?

Seán: Tá mé ana-bhuíoch duitse agus do Raidió na Gaeltachta

Helen:  Thá fáilte is fiche romhat, a Sheáin, a bhuachaill mar thá gaisce á dhéanamh agat a leithéid de rud a eagrú in aon chor. Is maith ann a leithéidí agus airgead ag teastáil ós na heagraíochtaí sin go léir gan dabht