Cúrsa Oiliúna Phléaraca

Craoladh an t-agallamh seo an chéaduair ar RTÉ Raidió na Gaeltachta. Labhraíonn Peadar Ó Cualáin le Bairbre Nic Dhonncha faoi chúrsa oiliúna de chuid Phléaráca.

PEADAR  Luaigh muid an lá cheana nuair a bhí Seosamh Ó Cuaig anseo inár gcuideachta faoin tábhácht don taobh tíre seo atá sa tionscail físe. Go háirid agus bhí sé ag caint ó cuireadh tús leis an gcomhlacht Cinegael, thiar sa mbliain naoi déag seachtó trí agus tá mé ag ceapadh go bhfuil suas le míle duine, ar a laghad míle duine ag obair sa tionscail seo, sa taobh tíre seo anois agus is, is mór an méid é a leath mar a deir an té a dúirt. Ach teastaíonn scríbhneoirí i gcónaí le borradh a choinneáil faoi chúrsaí na meán agus bhuel tá sé i gceist ag Pléaráca cúrsa Samhraidh i scríobh scripte a chur ar fáil do dhaoine óga agus le tuilleadh eolais a roinnt linn tá Oifigeach Ealaín an Phléaráca Bairbre Nic Dhonncha…do chéad fáilte a Bhairbre

BAIRBRE  Go raibh míle maith agat. Cén chaoi a bhfuil tú?                                                                                       

PEADAR  Tá an cúr..., tá mé thar cionn bail ó Dhia ort. Tá an cúrsa seo dírithe ar an dream óg a Bhairbre. An bhfuil mórán suim á léiriú ag an dream óg i scríobh scripte de, bíonn siad i gcónaí ag iarraidh a bheith ar aghaidh an cheamara, ach an bhfuil aon suim acu meas tú a bheith a bheith ag scríobh?                                                                                                                 

BAIRBRE  Tá, tá an-suim acu ann agus, an an rud faoi ná, fiú má tá suim acu a bheith os comhair na ceamaraí nó má tá suim acu i páirt éigint, rud eigínt bainteach le, leis an scannán nó, nó leis, leis an dráma nó cibé cén, cén áit a bhfuil suim acu ann. Cibé cén ról, cabhróidh sé seo go mór leo an cúrsa mar seo agus aon cúrsa a dhéanfá i ndáiríre, tá mé ag cuimhneamh orm féin, agus mé i mo dhéagóir agus cé na saghas cúrsaí agus cé na saghas ceardlann a thaithnigh liom fhéin agus cabhraíonn chuile cheann beo a dhéanann tú, in éin, leat, le gabháil sa chaoi atá tú ag iarraidh gabháil.

PEADAR  Go díreach glan agus mara mbeadh tada ann ach tugann sé tuiscint duit, tuiscint ar, ar an tionscail mar a déarfá, ar chuile ghné den tionscail mar a déarfá.                                                                                                                            

BAIRBRE  Sin é, sin é go díreach.                                                                                                                          

PEADAR  Ní, ní thosaíonn tú nuair a bhíonn tú ag cur, nuair a bíonn duine éigint ag cur púdar ort le bheith amach ar aghaidh, amach ar aghaidh an cheamara, caithfidh duine éigint.                                                                                                       

BAIRBRE  Tá go leor obair roimhe sin, nach bhfuil…tá go leor…                                                                              

PEADAR  Tá go leor oibre le déanamh ceart go leor, tá go leor oibre le déanamh i bhfad roimhe sin. Anois cá mbeidh an cúrsa seo ar siúl agus cé, cé chaoi a gcuirfidh daoine isteach air?                                                                                                         

BAIRBRE  Ó, tá sé ar siúl i Seanscoil Sailearna san Indreabhán agus ón aonú lá is fichead, Dé Luain go Dé Sathairn i mí Iúil [so] beidh sé ar siúl ón aonú lá’s fichead go dtí an séú lá is fichead agus tá muid ag iarraidh go gcuirfidh daoine isteach air chomh luath agus is féidir, an bhfuil fhios agat. Tá sé seo do déagóirí anois [so] má tá aithne agat ar déagóir nó más déagóir thú ó ceathair déag go seacht déag                                                                                                                                                      

PEADAR  sea….                                                                                                                                              

BAIRBRE  Thart ar sin, cuir isteach air mar tá muid ag iarraidh an grúpa a choinneáil beag freisin, mar gheobhfaidh siad féin an maitheas, an méid is mó atá siad in ann a fháil as.                                                                                                         

PEADAR  Go díreach glan. Agus do dhaoine atá, a mbeadh suim acu ann, déagóirí mar a dúirt tú, cé, céard iad na huimhreachaí le dul i dteagmháil libh, le, le suim a léiriú ann?

BAIRBRE  Sea, bhuel is féidir glaoch ar náid a naoi a haon, cúig, a seacht, a ceathair, ocht ocht a dó, nó cúig a seacht a ceathair, náid, a dó a haon, oifigeachealaine@gmail.com freisin an ríomhphost agus tá tuilleadh eolais ar an suíomh idirlín chomh maith pléaráca stad ie. Tá muid ag dul an clár ama a chur suas ansin chomh luath agus atá muid céad faoin gcéad sásta leis.    

PEADAR  Agus tá tú tar éis póstaer breá a thabhairt isteach anseo chugainn agus, ceann atá an-tarraingteach go deimhin agus, tá an, an t-éan mór, an chorr éisc mar chuid de agus an peann..

BAIRBRE  Tá….                                                                                                                                                  

PEADAR ….freisin ann. Dúil Dúigh.                                                                                                                     

BAIRBRE  Sin é …..                                                                                                                                             

PEADAR ..nach sin é, nach deas, deas, nach deas, nach deas, nach deas, nach deas mar a thug sibh libh é sin. Agus mar, mara, mar a dúirt tú is, is do dhéagóirí is mó an mbeidh sin. An mbeidhfear ag díriú aon ar aon ghné ar leith den scríobh a bhfuil muid ag caint air clárachaí faisnéise, clárachaí grinn nó an bhfuil, bhfuil aon…an bhfuil aon chineál ar leith a bheas luaite leis seo?

BAIRBRE  Bhuel…an, an rud iontach faoi seo ná go bhfuil áisitheoirí éagsúla ag teacht isteach i rith an sé lá. Tá Máire Holmes ag dul a bheith déanamh an-obair leo ar feadh an tseachtain uilig. Tá Louis Ní Fhiannachta ag teacht isteach, Greg Ó Braonáin, Darach Mac Con Iomaire, Fearghas Mac Lochlainn agus an rud faoi ná go bhfuil siad ag dul cabhrú le na déagóirí féin teacht suas lena smaointe féin agus ag dul tríd b’fhéidir carachtar agus structúr scripte agus i ndáiríre na scripte éagsúla atá ann, go bhfeicfidh na déagóirí é sin agus ansin b’fhéidir má tá smaoineadh acu cheana féin go mbeidh fhios acu ansin – bhuel sin é an bealach atá mé chun a dhul leis seo.

PEADAR  Sea…agus agus go dtabharfar cúnamh dóibh forbairt a dhéanamh ar, ar an smaoineamh sin….

BAIRBRE  Go díreach….                                                                                                                                      

PEADAR  …agus é a chur, é a chur, é a chur sa gcló, gur féidir é a dhéanamh ar an teilifís…                                      

BAIRBRE  Sin é….                                                                                                                                               

PEADAR  … mar gheall, tá rud amháin faoi smaoineamh a bheith i d’intinn, ach rud eile…uimhir a…uimhir a haon is dóigh - é a chur ar pháipéar..                                                                                                                                                     

BAIRBRE  É a chur ar pháipéar agus….                                                                                                                  

PEADAR  …agus an dara rud, agus ansin é sin a chur ar scáileán, is dóigh gurb shin é….                                           

BAIRBRE  ...agus tá, tá an-taithí agat féin air seo freisin nach bhfuil? Tá, tá….                                                             

PEADAR  ...bhí, bhí mé anonn is anall anois is arís ceart go leor. Bhí mé….bhí mé ag déanamh písíní beaga anseo is ansiúd agus is dóigh gur maith, gur maith é an cleachtadh agus fáigheann daoin, fáigheann daoine, fáigheann daoine suim ann i ndáiríre. Agus tá mé ag ceapadh gurb é an rud is fearr faoi seo ná cuide den dream atá ar an gcúrsa, leithide Dharach, Louise agus na agus na daoine sin ar fad, ní hé amháin go bhfuil cleachtadh acu a bheith ag stiúradh agus ar aghaidh an cheamara, ach go bhfuil cleachtadh acu a bheith ag scríobh freisin [so] tá…                                                                                                          

BAIRBRE  Sin é….                                                                                                                                               

PEADAR  …tá chuile, tá siad in ann chuile ghné mar a déarfá den obair a chríochnú. Dhá bhrí sin, beidh sé seo ar bun mar a dúirt tú ó Luan go Satharn ón t-aonú lá fichead go dtí an séú lá fichead de mhí Iúil agus meabhraigh na huimhreachaí arís do dhaoine….        

BAIRBRE  Sea                                                                                                                                                     

PEADAR  …má tá suim acu cur isteach air…                                                                                                         

BAIRBRE  ... náid, a naoi, h-aon, cúig, a seacht, a ceathair, ocht, ocht, a dó agus cúig, a seacht, ceathair, náid, a dó, a haon. Agus oifigeachealaine@gmail.com agus em seachtó cúig euro atá ar an cúrsa. Ní cheapaim gur dhúirt muid an táille…            

PEADAR  Níor dhúirt ceart go leor ….                                                                                                                   

BAIRBRE   …agus is iontach, go go bhfuil an phraghas chomh íseal…tá sé go maith..                                                  

PEADAR  Mar mar a déarfá, níl sé, níl sé, níl sé as bealach mar a déarfá do chúrsa, do chúrsa seachtaine mar a déarfá agus le, le daoine, le daoine, le daoine a mbeadh, a mbeadh suim acu tabhairt faoi seo agus sílim gur iontach an deis atá acu. Iontach an deis atá ann dóibh agus do dhaoine eile mar a déarfá cur isteach ar, ar a leithid seo. A Bhairbre go raibh míle maith agat….       

BAIRBRE  Go raibh mile maith agat féin.                                                                                                                 

PEADAR   …as ucht an léargas sin a thabhairt dúinn agus a theacht isteach go dtí muid ar maidin inniu.