This is a Clilstore unit. You can .
Below are the Gaelic extracts that Bill Innes reads out in the clip of the Kildonan Museum performance.
At 5.08:
’Ghrian a’ faoisgneadh gu h-òr-bhuidh
As a mogal,
Chinn an speur gu dùldaidh, dòite,
Làn de dh’ oglachd,
Dh’ fhàs i tonn-ghorm, tiugh, tàrr-lachdann,
Odhar, iargalt,
Chinn gach dath bhiodh ann am breacan
Air an iarmailt:
At 8.30:
Tharraing an cuan a bhrat dùbhghlas
Air gu h-uile,
Mhantal garbh, caiteanach, ciar-dhubh,
’S sgreataidh buinne;
Dh’ at e ’na bheanntaibh ’s ’na ghleanntaibh,
Molach, robach,
Gun do bhòc an fhairge cheigeach
Suas ’na cnocaibh,
Dh’ fhosgail a’ mhuir ghorm ’na craosaibh
Farsaing, cràcach,
An glaicibh a chèile ri taosgadh,
’S caonnag bhàsmhor;
Gum b’ fhear-ghnìomh bhith ’g amharc an aodann
Nam màm toinnte,
Lasraichean sradanach sionnachain
Air gach beinn diubh,
Na beulanaich àrda, liath-ghorm
Ri searbh bheucail,
Na cùlanaich ’s an cladh dùldaidh
Ri garbh gheumnaich;
At 12.31:
’S an sin bheum sinn na siùil thana,
Bhallach, thùilinn
’S leag sinn a crainn mhìn-dhearg, ghasda
Fad a h-ùrlair,
’S chuir sinn a mach ràimh chaol bhasgant
Dhaite, mhìne,
Den ghiuthas a bhuain MacBharrais
An Eilean Fhìonain,
’S rinn sinn an t-iomramh rèidh tulganach
Gun dearmad,
’S ghabh sinn deagh longphort aig barraibh
Charraig Fhearghais.
Thilg sinn acraichean gu socair
Anns an ròd sin,
Ghabh sinn biadh is deoch gun airceas
’S rinn sinn còmhnaidh.
Short url: https://clilstore.eu/cs/4476