فاطمة وعيلتها

أنا إسمي فاطمي، وجوزي إسمه أحمد. عيلتنا كتير زغيري. عندنا تلت ولاد، أكبر واحد صبي إسمو حسن، بعدين بتجي البنت سارا، وأزغر صبي عندنا إسمو باسل، وعمرو سنتين. أنا وجوزي نحكي كتير مع بعض. نحكي عن كل شي، عن ولادنا، والناس، والشغل، والدراسي. أبل ما نتجوز كنت أشتغل في روضا في حلب. وجوزي كان يدرس بالجامعا. بعد ما تخرج من الجامعة تجوّزنا، ورحنا عل ألمانيا وبعدين أجينا ع الدنمارك. هللا نحنا ساكنين في كوبنهاجن، أحمد بيشتغل في الجامعا، بيدرّس عربي، ما بيحكي دنماركي بنوب. يحكي إنجليزي مع الناس ومع الطلاب كمان. عندو بالصف بس عشر طلاب، أكترهم دنماركيين. وأنا عم أدرس اللغة الدنماركيي. مش سهل الواحد يتعلم دنماركي، بس أنا بدرس كتير، وبتعلّم أكتر وأكتر. بدرس أربع خمس ساعات في اليوم، بكتُب، وأقرا، وأشوف تلفزيون. وأطلع من البيت، وأحكي مع الناس. يعني أنا مشغولي بهل اللغة طول اليوم. إن شاء الله إلي مستقبل حلو بهل البلد. بعد ما أصير أحكي دنماركي منيح ممكن أشتغل في روضا. هون في الدنمارك، الواحد لازم يتعلم دنماركي. بعدين يشتغل متل ما بدو. بتعرفو؟ نحنا بنحب الدنمارك متل ما بنحب سوريا. نحنا أجينا ع الدنمارك أبل سنتين، لسّه ما سافرنا، بس بالصيف ممكن رح نسافر على سوريا، ومن سوريا رح نروح ع تركيا. تركيا بلد كتير حلو متل سوريا.